საქართველოს მწერალთა კავშირი აცხადებს კონკურსს პოეზიაში პატრიოტულ თემაზე შექმნილ ნაწარმებებზე.
კონკურსი ეძღვნება „ძლევაი საკვირველის“ ანუ 1121 წლის 12 აგვისტოს დავით აღმაშენებლის წინამძღოლობით თურქ-სელჩუკთა მრავალათასიან ჯარზე საქართველოს ისტორიაში უდიდესი გამარჯვების 900 წლისთავს, რამაც საფუძველი დაუდო ერთიანი, ეკონომიკურად ძლიერი საქართველოს წინსვლას და კულტურის აღორძინებას.
საქართველოს გმირული წარსული, მისი მომავალი, დღემდე ცნობილი თუ დროის უკუღმართობით დაუვიწყარი, დაუდაფნავი გმირები, ჩვენი ღირსეული თანამედროვენი, ქართველი წმინდანები, ციხე-ტაძართა საგალობელი, აი, საკონკურსო ლექსების ლაიტმოტივი.
ღია კონკურსზე უნდა წარმოადგინონ 2 ლექსი, ერთი დღემდე ცნობილი ავტორისთვის სავიზიტო ბარათად ქცეული, ხოლო მეორე - ახალი ლექსი, ზემოთხსენებულ თემატიკაზე, ასევე მცირე ბიოგრაფია.
კონკურსის ბოლო ვადა 2021 წლის 25 მაისია.
საუკეთესო მასალები შევა „ძლევაი საკვირველის“ საიუბილეო თარიღისადმი მიძღვნილი პატრიოტული პოეზიის ანთოლოგიაში.
გაიცემა გრან-პრი (1000 ლარის ოდენობით) და 5 მომინანქრებული ოქროს მედალი დავით აღმაშენებლის გამოსახულებით.
კონკურსის მხარდამჭრები არიან: საქართველოს მწერალთა კავშირის აჭარისა და იმერეთის მწერალთა ორგანიზაციები, ქვემო ქართლის სამხარეო ადმინისტრაცია, მარნეულის, ბოლნისის, თეთრიწყაროს, ქუთაისის მერიის მუნიციპალიტეტები, აჭარის მწერალთა სახლი.
მასალები გამოაგზავნეთ writersunionofgeorgia@gmail.com -ზე .
დამატებითი ინფორმაციისთვის შეგიძლიათ დაუკავშირდეთ:
ბატონ ზაალ ბოტკოველს - 591-300-822 , 571-046-421
მანანა გორგიშვილს - 599-38-12-74
განცხადება
კონკურსი
20 აპრ 2021
მნახველთა რაოდენობა: 2327
სიახლეები
აპრ 22 ოთხ 2020
15092
აპრ 22 შბ 2017
28205
იან 09 ორშ 2017
27898
აგვ 30 სამ 2016
29939
აგვ 27 შბ 2016
29220
სექ 02 პარ 2016
27537
აგვ 26 პარ 2016
27094
აგვ 30 სამ 2016
25309
აგვ 25 ხუთ 2016
27341